ഗ്രന്ഥശാലാ പുസ്തകോത്സവം - കോഴിക്കോട്
April 24 , 2018
മലയാളിയുടെ വായനാചരിത്രത്തിലേക്ക് അടയാളത്തിന്റെ സ്പന്ദനങ്ങള്‍ കടന്നെത്തിയിട്ട് ആറുമാസങ്ങള്‍ പൂര്‍ത്തിയാവുകയാണ്. ഇതിനകം പതിമൂന്ന് പുസ്തകങ്ങളാണ് അടയാളം നിങ്ങള്‍ക്കു മുൻപിൽ എത്തിച്ചിരിക്കുന്നത്. ഈ പുസ്തകങ്ങളെല്ലാം ഏപ്രില്‍ 24 മുതല്‍ 28 വരെ കോഴിക്കോട് നടക്കുന്ന ഗ്രന്ഥശാലാ പുസ്തകോത്സവത്തിൽ സീഡ് ബുക്സിൻ്റെ സ്റ്റാളിൽ (സ്റ്റാൾ നമ്പർ 65, 66) ലഭ്യമാണെന്ന് സ്‌നേഹപൂര്‍വം അറിയിക്കട്ടെ. മികച്ച പുസ്തകങ്ങളും നല്ല വായനയുമെന്ന ലക്ഷ്യത്തോടെ ഇക്കഴിഞ്ഞ കേരളപ്പിറവിദിനത്തില്‍ സാംസ്‌കാരികനഗരിയില്‍നിന്നും സമാരംഭം കുറിച്ച അടയാളത്തിന് മികച്ച സ്വീകരണമാണ് നിങ്ങള്‍ നല്‍കിയതെന്നത് സന്തോഷകരം തന്നെ. ടാഗോര്‍, മോപ്പസാങ്, ചെഖോവ് തുടങ്ങി ആഷാമേനോനും മാടമ്പും വരെയുള്ളയുള്ളവരുടെ സൃഷ്ടികളെ വായനക്കാരിലെത്തിക്കാനായെന്ന ചാരിതാര്‍ത്ഥ്യവും ഈ പതിമൂന്ന് പുസ്തകങ്ങളോടൊപ്പമുണ്ട്. വേറിട്ടതും ഗൗരവപൂര്‍ണ്ണവുമായൊരു വായനാലോകമാണ് അടയാളം മുന്‍നിര്‍ത്തുന്നത്. തുടര്‍ന്നും അടയാളത്തിന്റെ വഴികളില്‍നിങ്ങളുടെ സ്‌നേഹവും പിന്തുണയും ഉണ്ടാകുമെന്ന് പ്രതീക്ഷിക്കുന്നു...
